தமிழகம் மற்றும் மேற்கு வங்காளம் தொடர்பான நீதிமன்ற உத்தரவுகள்

கொல்கட்டா: மேற்கு வங்கத்தில் நிபந்தனையை மீறி திரிணமுல் காங்கிரஸ் கட்சியினர் விழா நடத்திய விவகாரம் தொடர்பாக அக்கட்சியின் தலைவரும் மாநில முன்னாள் முதல்வருமான மம்தா பானர்ஜி மீது போலீசார் தாமாக முன்வந்து வழக்குப்பதிவு செய்துள்ளனர்.

மேற்கு வங்கத்தில் முதல்வர் சுவேந்து அதிகாரி தலைமையில் பா.ஜ., ஆட்சி நடக்கிறது. இங்கு, தற்போது எதிர்க்கட்சியாக உள்ள திரிணமுல் காங்., கட்சியின் நிறுவன நாள், நேற்று முன்தினம் கொண்டாடப்பட்டது. முன்னதாக, இந்த விழாவில், 1,500 நபர்கள் மட்டுமே பங்கேற்க வேண்டும் என்பது உட்பட பல்வேறு நிபந்தனைகளை கொல்கட்டா உயர் நீதிமன்றம் பிறப்பித்தது.

இந்நிலையில், திரிணமுல் காங்., கட்சியின் நிறுவன நாளின்போது உயர் நீதிமன்ற உத்தரவை மீறி ஏராளமானோர் கூடியதாக புகார் எழுந்தது. இதையடுத்து, அக்கட்சியின் தலைவர் மம்தா பானர்ஜி மற்றும் அக்கூட்டத்திற்கு ஏற்பாடு செய்தவர்கள் மீது பல்வேறு பிரிவுகளின் கீழ் போலீசார் வழக்குப்பதிவு செய்துள்ளனர்.

இதுகுறித்து போலீசார் தரப்பில் கூறுகையில், ‘நீதிமன்ற உத்தரவை மீறியதால், அவர்கள் மீது வழக்குப்பதிவு செய்யப்பட்டுள்ளது. பொதுமக்களுக்கு இடைஞ்சல் ஏற்படுத்தியதுடன், அக்கூட்டத்தில் சட்டம் – ஒழுங்கை மீறும் வகையில் திரிணமுல் காங்., கட்சியினர் சிலர் தள்ளுமுள்ளுவிலும் ஈடுபட்டனர். இதற்காகவும், அவர்கள் மீது வழக்குப்பதிவு செய்யப்பட்டுள்ளது’ என்றனர்.