एकनाथ शिंदेच्या भाषणात मराठा आंदोलकांची घोषणा व जरा‍ंगेचा उल्लेख

एकनाथ शिंदे यांच्या उपस्थितीत आज परभणीत शेतकरी मेळाव्याचे आयोजन करण्यात आले आहे. खासदार बंडू जाधव यांच्याकडून या भव्य मेळाव्याचं आयोजन करण्यात आलं आहे. पण या कार्यक्रमाला मराठा नेते मनोज जरांगे पाटील यांनी विरोध केला आहे. मनोज जरांगे पाटील मराठा आरक्षणाच्या मागणीसाठी पुन्हा एकदा जालन्यातील अंतरवली सराटी गावात उपोषणाला बसले आहेत. ते कालपासून उपोषणाला बसले आहेत.

एकीकडे जरांगे मराठवाड्यात उपोषणाला बसले आहेत. दुसरीकडे एकनाथ शिंदे यांच्या उपस्थितीत मराठवाड्यातच जंगी शेतकरी मेळाव्याच्या कार्यक्रमाचं आयोजन करण्यात आलं. यामुळे मनोज जरांगे पाटील यांनी या कार्यक्रमाला विरोध केला. त्यांनी बंडू जाधव यांना फोन करुन संबंधित कार्यक्रमाचं आयोजन करु नये, असं आवाहन केलं. पण बंडू जाधव यांनी कार्यक्रमाचं नियोजन पूर्ण झालं आहे. सर्वजण कार्यक्रमाला उपस्थित आहेत. त्यामुळे कार्यक्रम रद्द करणं शक्य नसल्याचं त्यांनी सांगितलं.

"मनोज जरांगे पाटील यांची तळमळ मला माहिती आहे. एक सर्वसामान्य कार्यकर्ता समजासाठी लढतोय. मी मुख्यमंत्री असताना दोनवेळा जरांगेंच्या भेटीसाठी गेलो होतो. आतादेखील मुख्यमंत्री देवेंद्र फडणवीस आणि मी कायदेशीर बाबी तपासण्यासाठी आपले मंत्री पाठवले. मराठा समाज हा कष्टकरी आहे. इतर समाजाचं आरक्षण कमी न करता आपल्याला आरक्षण देण्याची भूमिका आम्ही घेतली. कित्येक वर्षांपासून मराठा समजाला आरक्षण मिळावी ही मागणी केली जात आहे. महायुतीच्या सरकारपासून मराठा समाजाला न्याय देण्याच काम झालं", अशी भूमिका एकनाथ शिंदे यांनी मांडली.