Santosh Pandit: पुण्यातील यूट्युबर संतोष पंडित यांना अटक, पोलिसांची कारवाई; स्वतःलाच मारहाण अन् शिवीगाळ... मध्यरात्री घडला थरार - Esakal

पुण्यातील कोथरूड परिसरातील विकासकामांवर सोशल मीडियाच्या माध्यमातून भाष्य करणारे प्रसिद्ध युट्युबर आणि रिलस्टार संतोष पंडित यांना कोथरूड पोलिसांनी मध्यरात्री अटक केली आहे. ३ सप्टेंबर रोजी रात्री सुमारे एक वाजण्याच्या सुमारास पोलिसांनी त्यांच्या राहत्या घरातून त्यांना ताब्यात घेतले. या कारवाईमुळे पुणे परिसरात आणि सोशल मीडियावर एकच खळबळ उडाली असून, त्यांच्या अटकेच्या वेळचा पोलीस आणि पंडित यांच्यातील संवादाचा व्हिडिओ सध्या सोशल मीडियावर मोठ्या प्रमाणात व्हायरल होत आहे.

मिळालेल्या माहितीनुसार, रात्री साडेबारा ते एकच्या दरम्यान कोथरूड पोलिसांचे एक पथक दोन पांढऱ्या वाहनांमधून संतोष पंडित राहत असलेल्या ठिकाणी पोहोचले. या पथकातील काही पोलीस कर्मचारी साध्या वेशात होते. पोलिसांनी पंडित यांना ताब्यात घेतल्यानंतर त्यांच्या कुटुंबीयांनी या संपूर्ण कारवाईचे चित्रीकरण केले. संतोष पंडित हे त्यांच्या सोशल मीडिया प्लॅटफॉर्मवरून पुणे महानगरपालिकेच्या विविध विकासकामांवर, रस्त्यांवरील खड्ड्यांवर आणि कथित भ्रष्टाचारावर प्रश्न उपस्थित करणारे व्हिडिओ प्रसिद्ध करत असत.

संतोष पंडित यांच्यावर कोथरूड परिसरातील विकासकामांवर भाष्य करताना आक्षेपार्ह आणि अश्लील स्वरूपाची भाषा वापरल्याचा आरोप करण्यात आला आहे. तसेच, महाराष्ट्राचे मंत्री चंद्रकांत पाटील आणि मिताली सा