Sardar 2: Reviews for Karthi's spy thriller sequel

Sardar 2 Movie Review Telugu || చిత్రం: సర్దార్‌2; నటీనటులు: కార్తి, ఎస్‌జే సూర్య, మాళవిక మోహనన్‌, ఆషికా రంగనాథ్‌, యోగిబాబు, రజీషా విజయన్‌ తదితరులు; సంగీతం: సామ్‌ సీఎస్‌; సినిమాటోగ్రఫీ: జార్జ్‌ సి విలియమ్స్‌; ఎడిటింగ్‌: విజయ్‌ వేల్‌కుట్టి; నిర్మాత: ఎస్‌.లక్ష్మణ్‌ కుమార్‌, ఇషాన్‌ సక్సేనా; దర్శకత్వం: పి.ఎస్‌.మిత్రన్‌; విడుదల: 10-09-2026 (Sardar 2 Move Release Date)

కార్తి కథానాయకుడిగా నటించిన ‘సర్దార్‌’ ఎంతటి ఘన విజయాన్ని సాధించిందో అందరికీ తెలిసిందే. దానికి కొనసాగింపుగా వచ్చిన ‘సర్దార్‌2’ ఎలా ఉంది? ప్రేక్షకులకు ఎలాంటి థ్రిల్‌ పంచింది?

Sardar 2 Plot || ‘సర్దార్‌’ కథ ఎక్కడైతే ముగిసిందో.. అక్కడి నుంచే ఈ ‘సర్దార్‌ 2’ (Sardar 2 Movie) మొదలవుతుంది. ఇన్‌స్పెక్టర్‌ నుంచి రా ఏజెంట్‌గా మారిన విజయ్‌ (కార్తి).. రా చీఫ్‌ మనోజ్‌ బొమ్మై (ఆశిష్‌ విద్యార్థి)కి తెలియకుండా ఓ రహస్య ఆపరేషన్‌ మొదలు పెడతాడు. భారత ఇంటెలిజెన్స్‌ బ్యూరోకి తెలియకుండా మాజీ రా ఏజెంట్‌ వాల్‌రస్‌ (అచ్యుత్‌ కుమార్‌)ని వెతికి పట్టుకునేందుకు రంగంలోకి దిగుతాడు. అయితే అప్పటికే ఆ మాజీ ఏజెంట్‌ని యోగానంద్‌ (ఎస్‌జే సూర్య) నేతృత్వంలోని ప్రమాదకర బ్లాక్‌ డ్యాగర్‌ ముఠా వెంటాడుతుంటుంది. వాళ్ల దాడిలోనే వాల్‌రస్‌ కన్నుమూయగా.. తను చనిపోయే ముందు విజయ్‌కి ‘మిషన్‌ డోకు’ అంటూ కత్తి లాంటి ఆకారంలో ఉన్న ఓ తాళాన్ని అందించి, మరో పదిరోజుల్లో దేశంలో పెద్ద విధ్వంసం జరగనుందని చెప్పి కన్నుమూస్తాడు. దీంతో విజయ్‌ ఆ తాళాన్ని పట్టుకుని డోకు గురించి అన్వేషణ మొదలు పెడతాడు. (Sardar 2 Movie Review ) దానికి 1980ల్లో తన తండ్రి ఏజెంట్‌ చంద్రబోస్‌ అలియాస్‌ సర్దార్‌ (కార్తి) చేపట్టిన విఫల మిషన్‌ బ్లాక్‌ ఆపరేషన్‌కి లింక్‌ ఉందని అర్థమవుతుంది. మరి అసలు ఆ బ్లాక్‌ ఆపరేషన్‌ మిషన్‌ లక్ష్యం ఏంటి? అదెందుకు ఫెయిలైంది? మిషన్‌ డోకుతో దేశాన్ని నాశనం చేసేందుకు బ్లాక్‌ డ్యాగర్‌ పన్నిన కుట్రని ఛేదించేందుకు తన కొడుకు విజయ్‌తో కలిసి సర్దార్‌ చేసిన సాహసాలేంటి? ఈ కథ (Sardar 2 Story)లో ఏజెంట్‌ జారా (మాళవిక మోహనన్‌).. ఆమె కూతురు ఫైజా (ఆషికా రంగనాథ్‌) పాత్రలకి ఉన్న ప్రాధాన్యత ఏంటి? అన్నది మిగిలిన కథ.

Sardar 2 Movie Review || ‘సర్దార్‌’ పేరు చెప్పగానే అందరికీ గుర్తొచ్చేది నీటి సమస్యే. ‘వన్‌ ఇండియా వన్‌ పైప్‌లైన్‌’ ప్రాజెక్ట్‌ ద్వారా తాగునీటిపై ఆధిపత్యం పొందేందుకు కొందరు చేసిన కుట్రను కథానాయకుడు ఎలా ఛేదించాడన్నది అందులో థ్రిల్లింగ్‌గా చూపించారు. ఇప్పుడీ ‘సర్దార్‌ 2’లో అంతకు మించిన ఓ ముప్పుపై దృష్టి సారించే ప్రయత్నం చేశారు దర్శకుడు పీఎస్‌ మిత్రన్‌. యాంటి బయాటిక్‌ మందుల్ని మితిమీరి వాడటం వల్ల జరగబోయే అనర్థాల్ని.. ప్రాణావాళికి ఏర్పడే ముప్పుని తెలియజెప్పాలనుకున్నారు. కాకపోతే ఈ సమస్య తీవ్రతని ‘సర్దార్‌’లో చెప్పినంత ప్రభావవంతంగా ‘సర్దార్‌ 2’లో ప్రజెంట్‌ చేయలేకపోయారు దర్శకుడు మిత్రన్‌.

అదే చేయాలనుకుంటే నేను ఐటీ ఉద్యోగంలోనే ఉండిపోయేవాణ్ని: కార్తి

ప్రథమార్ధమంతా డోకు అనే ఓ ప్రమాదకర బయోవెపన్‌ చుట్టూనే తిరుగుతుంది. దాన్ని తెరవాలంటే ఓ మూడు తాళాలు అవసరమవడం.. అవి మూడు వేర్వేరు ఏజెంట్ల చేతుల్లో ఉండటం.. వాటిని వెతికి పట్టుకునేందుకు ఓవైపు హీరో, మరోవైపు బ్లాక్‌ డ్యాగర్‌ ముఠా చేసే ప్రయత్నాలతోనే సాగుతుంది. నిజానికి ట్రాక్‌ థ్రిల్‌ పంచేదే అయినా.. దర్శకుడు దాన్ని అంతే ఉత్కంఠభరితంగా తెరపై ఆవిష్కరించలేకపోయారు. ఆ తాళాలు దక్కించుకునేందుకు ఇటు హీరో అటు విలన్‌ చేసే ప్రయత్నాలేవీ ఆసక్తికరంగా ఉండవు. (Sardar 2 Movie Review) ఇక సర్దార్‌ ఫ్లాష్‌బ్యాక్‌ ఎపిసోడ్‌ ఆరంభంలో ఆసక్తిరేకెత్తించినా.. తను చేపట్టే బ్లాక్‌ ఆపరేషన్‌.. ఈక్రమంలో విమానంలో చేసే సాహసాలు అన్నీ మరీ సిల్లీగా అనిపిస్తాయి. ఇక చనిపోయాడుకున్న సర్దార్‌ తిరిగి ఎంట్రీ ఇవ్వడం.. బ్లాక్‌ డ్యాగర్‌ ముఠా నుంచి తన కొడుకుని రక్షించే తీరు.. ఈక్రమంలో సాగే ఇంటర్వెల్‌ యాక్షన్‌ సీక్వెన్స్‌ కథకి మంచి ఊపు తీసుకొస్తుంది.

ద్వితీయార్ధం నుంచి ఈ తండ్రీ కొడుకులు కలిసి ప్రయాణం చేయడం.. ఎక్కడో కోటలో రహస్యంగా దాచి ఉంచిన ప్రమాదకర డోకు ఆయుధాన్ని బయటకు తీసుకురావడం.. దాన్ని ఛేజిక్కించుకుని దేశాన్ని నాశనం చేసేందుకు బ్లాక్‌ డ్యాగర్‌ సిద్ధమవడం.. లాంటి అంశాలతో కథ ముందుకు సాగుతుంది. అయితే ఈ ప్రయాణం ఎక్కడా థ్రిల్‌ పంచకపోగా.. కథంతా అక్కడక్కడే తిరుగుతున్నట్లు అనిపిస్తుంది. పతాక సన్నివేశాల్లోనైనా థ్రిల్‌ ఎలిమెంట్స్‌ ఉంటాయనుకుంటే, ఆద్యంతం గందరగోళంగా.. సుదీర్ఘంగా సాగిన అనుభూతిని అందిస్తుంది.

‘సర్దార్‌ 2’కు వెళ్తున్నారా.. ఈ 5 విశేషాలు తెలుసా!

Sardar 2 Cast and Crew || ‘సర్దార్‌’తో పోలిస్తే ఈ రెండో భాగంలో తండ్రీ కొడుకులుగా కార్తి (Karthi) తెరపై ఎక్కువ సేపే కనిపించారు. ‘సర్దార్‌’లో తండ్రి పాత్ర జైలు నుంచి తప్పించుకునే యాక్షన్‌ సీక్వెన్స్‌ చాలా థ్రిల్‌ పంచుతుంది. కానీ, ఇందులో సినిమా ఆరంభం నుంచి ముగింపు వరకు ఆద్యంతం యాక్షన్‌ హంగామా కనిపించినా.. ఏ సీక్వెన్స్‌ కూడా ఆ స్థాయిలో మెప్పించలేదు. ఆషికా (Ashika Ranganath) సినిమా అంతా కనిపించినా.. ఆమె పాత్ర వల్ల కథకి ప్రత్యేకంగా ఒరిగిందేమీ లేదు. మాళవిక (Malavika Mohanan) పాత్ర ఫర్వాలేదు. యాక్షన్‌ సన్నివేశాల్లో అలరిస్తుంది.

‘సర్దార్‌ 2’..ఇద్దరు హీరోయిన్లకు డ్యాన్స్‌లు ఉండవు.. ఓన్లీ యాక్షన్‌ : కార్తి

ఎస్‌జే సూర్య (S. J. Suryah) స్టైలిష్‌ విలనిజం ఆకట్టుకుంటుంది. పతాక ఘట్టాల్లో తనదైన డైలాగ్‌ డెలివరీతో అక్కడక్కడా నవ్వించాడు. నాజర్, అచ్యుత్‌ కుమార్, ఆషిష్‌ విద్యార్థి తదితరుల పాత్రలు పరిధి మేరకు ఉంటాయి. యోగిబాబుని ఏమాత్రం వాడుకోలేదు. దర్శకుడు పీఎస్‌ మిత్రన్‌ (Sardar 2 Director) చెప్పాలనుకున్న పాయింట్‌ మంచిదే అయినా.. దాన్ని థ్రిల్లింగ్‌గా తెరపైకి తీసుకురాలేకపోయారు. పాటలు లేకపోవడం.. నేరుగా అసలు కథని మొదలు పెట్టడం సానుకూలాంశాలు. ‘సర్దార్‌ 3’కి లీడ్‌ ఇచ్చినప్పటికీ.. అది వస్తుందా..? లేదా అన్నది ‘సర్దార్‌ 2’కి దక్కే ఫలితంపైనే ఆధారపడి ఉంది. సామ్‌ సీఎస్‌ నేపథ్య సంగీతం, విలియమ్స్‌ విజువల్స్‌ ఆకట్టుకున్నాయి.