ભારે વરસાદને પગલે અમદાવાદમાં જળબંબાકારની સ્થિતિ

અમદાવાદમાં રવિવારે સાંજે વીજળીના કડાકા-ભડાકા અને તોફાની પવન સાથે અનરાધાર વરસાદ તૂટી પડતાં સમગ્ર શહેરમાં જળબંબાકારની સ્થિતિ સર્જાઈ હતી. પૂર્વથી પશ્ચિમ સુધી પડેલા સાંબેલાધાર વરસાદના કારણે રસ્તાઓ પર પાણી ભરાતાં વાહનવ્યવહાર ઠપ થઈ ગયો હતો, જ્યારે ખાડિયા વિસ્તારમાં એક જૂનું મકાન ધરાશાયી થતાં ચાર લોકો કાટમાળ નીચે દબાઈ ગયા હતા. ફાયરની ટીમે ત્રણનું રેસ્ક્યૂ કર્યું હતું જ્યારે એક મહિલાનું મોત નીપજ્યું હતું.

શહેરમાં સાંજે 4 વાગ્યા થી 7 વાગ્યા સુધીમાં સૌથી વધુ વરસાદ ઉત્તર ઝોનમાં આવેલા એસ.પી. રીંગ રોડ નજીક હંસપુરામાં અઢી ઇંચ જેટલો વરસાદ પડ્યો છે. શહેરમાંથી વરસાદી પાણીનો નિકાલ કરવા માટે સાબરમતી નદી પર આવેલા વાસણા બેરેજના 6 દરવાજા ખોલવામાં આવ્યા છે. શહેરમાં એકમાત્ર મીઠાખળી અન્ડર પાસ વરસાદી પાણી ભરાયું હોવાના પગલે બંધ કરવામાં આવ્યો હતો.

અમદાવાદના જુદા-જુદા વિસ્તારના વરસાદની તસવીરો