Shafali Verma breaks two world records at Asian Games final
Indian cricketer Shafali Verma set new Asian Games records, achieving two world‑record performances in the final. The reports highlight her dominant batting display and the historic significance for Indian women's cricket.
First reported 2 days ago · latest update 7 hours ago
Shafali Verma: జపాన్ వేదికగా జరుగుతున్న ఏషియన్ గేమ్స్ (Asian Games) మహిళా క్రికెట్ టోర్నమెంట్లో భారత యువ ఓపెనర్ షఫాలీ వర్మ అద్భుతమైన ప్రదర్శనతో అందరి దృష్టిని ఆకర్షించారు. శ్రీలంకతో జరిగిన ప్రతిష్టాత్మక గోల్డ్ మెడల్ ఫైనల్ మ్యాచ్లో ఆమె కేవలం 29 బంతుల్లోనే 3 ఫోర్లు, 3 భారీ సిక్సర్ల సహాయంతో 48 పరుగులు సాధించి తృటిలో హాఫ్ సెంచరీ కోల్పోయినప్పటికీ, అంతర్జాతీయ క్రికెట్లో రెండు భారీ ప్రపంచ రికార్డులను తన పేరిట లిఖించుకున్నారు. ఈ మ్యాచ్లో తొలి 10 పరుగులు పూర్తి చేయగానే ఆమె ఈ ఘనతను సాధించి దేశం గర్వపడేలా చేశారు.
ఒకే క్యాలెండర్ ఇయర్లో అత్యధిక పరుగులు
శ్రీలంకతో జరిగిన మ్యాచ్లో అద్భుత ఇన్నింగ్స్ ఆడిన షఫాలీ వర్మ, అంతర్జాతీయ టీ20 క్రికెట్లో ఒకే క్యాలెండర్ ఇయర్లో అత్యధిక పరుగులు సాధించిన ప్రపంచ తొలి ప్లేయర్ గా అవతరించారు. ఈ ఏడాది 2026లో ఇప్పటివరకు ఆమె మొత్తం 863 పరుగులు పూర్తి చేసి అగ్రస్థానంలో నిలిచారు. దీనికి ముందు సౌతాఫ్రికా కెప్టెన్ లారా వాల్వూర్ట్ (824 పరుగులు) పేరిట ఉన్న రికార్డును షెఫాలీ విజయవంతంగా బద్దలు కొట్టారు. ఈ జాబితాలో హాంకాంగ్, యూఏఈ, భారత స్టార్ ఆటగాడు స్మృతి మంధాన తదితరులు తర్వాతి స్థానాల్లో ఉన్నారు.
ఒకే ఏడాది అత్యధిక సిక్సర్లు బాదిన క్రీడాకారిణి
కేవలం పరుగుల పరంగానే కాకుండా, సిక్సర్ల మోత మోగించడంలోనూ షెఫాలీ వర్మ సరికొత్త రికార్డు సృష్టించారు. శ్రీలంకపై బాదిన 3 సిక్సర్లతో కలిపి ఈ ఒక్క సంవత్సరంలోనే ఆమె మొత్తం 38 సిక్సర్లు బాదారు. మహిళా టీ20 అంతర్జాతీయ క్రికెట్లో ఒకే సంవత్సరంలో ఇన్ని భారీ సిక్సర్లు కొట్టడం ఇదే మొదటిసారి. ఈ రికార్డుతో ఆమె శ్రీలంక స్టార్ చమరి అటపట్టు (32 సిక్సర్లు), ఇతర దిగ్గజ ఆటగాళ్ల రికార్డులను వెనక్కి నెట్టి ప్రపంచంలోనే నంబర్ వన్ స్థానాన్ని సొంతం చేసుకున్నారు.
ఏషియన్ గేమ్స్లో అద్భుతమైన ఫామ్
ఏషియన్ గేమ్స్ టోర్నమెంట్ అంతటా షెఫాలీ వర్మ అద్భుతమైన ఫామ్ను కనబరిచారు. మొత్తం 3 మ్యాచ్లలో కలిపి 188 పరుగులు సాధించి సిరీస్లో అత్యధిక పరుగులు చేసిన బ్యాటర్గా నిలిచారు. బంగ్లాదేశ్తో జరిగిన సెమీఫైనల్ మ్యాచ్లో ఆమె అజేయంగా 100 పరుగులు చేసి సెంచరీ సాధించగా, జపాన్తో జరిగిన తొలి మ్యాచ్లో కేవలం 15 బంతుల్లోనే 40 పరుగులు చేసి తుఫాన్ ఇన్నింగ్స్ ఆడా రు. ఫైనల్ మ్యాచ్లోనూ స్మృతి మంధానతో కలిసి తొలి వికెట్కు 99 పరుగుల భాగస్వామ్యాన్ని అందించి భారత జట్టు విజయంలో కీలక పాత్ర పోషించారు. షెఫాలీ ఈ దూకుడు చూస్తుంటే భవిష్యత్తులో మరిన్ని రికార్డులు బద్దలు కొట్టడం ఖాయమని క్రీడా నిపుణులు భావిస్తున్నారు.
మరిన్ని క్రికెట్ వార్తల కోసం ఇక్కడ క్లిక్ చేయండి..
Citations · 3 reports from 3 outlets
Tap a citation to read it above, right here on T.A.M.
Shafali Verma: ఏషియన్ గేమ్స్ ఫైనల్లో చరిత్ర సృష్టించిన షెఫాలీ వర్మ.. రెండు ప్రపంచ రికార్డులు బ్రేక్ - tv9telugu.com
Shafali Verma: ఏషియన్ గేమ్స్ ఫైనల్లో చరిత్ర సృష్టించిన షెఫాలీ వర్మ.. రెండు ప్రపంచ రికార్డులు బ్రేక్ tv9telugu.com
7 hours agoShafali Verma: ఏషియన్ గేమ్స్ ఫైనల్లో చరిత్ర సృష్టించిన షెఫాలీ వర్మ.. రెండు ప్రపంచ రికార్డులు బ్రేక్ - tv9telugu.com
Shafali Verma: ఏషియన్ గేమ్స్ ఫైనల్లో చరిత్ర సృష్టించిన షెఫాలీ వర్మ.. రెండు ప్రపంచ రికార్డులు బ్రేక్ tv9telugu.com
7 hours agoShafali Verma: ఆకాశమే హద్దుగా సిక్సర్ల సునామీ.. షఫాలీ వర్మ అద్భుత సెంచరీ..! బంగ్లాకు భారీ టార్గెట్! - NTV Telugu
Shafali Verma: ఆకాశమే హద్దుగా సిక్సర్ల సునామీ.. షఫాలీ వర్మ అద్భుత సెంచరీ..! బంగ్లాకు భారీ టార్గెట్! NTV Telugu
2 days ago