Surat-Udaipur Vande Bharat Express inaugurated

અરવલ્લી જિલ્લાના શામળાજી રેલવે સ્ટેશન પર સુરત-ઉદયપુર નવી વંદે ભારત એક્સપ્રેસનું સ્વાગત કરવામાં આવ્યું. આ કાર્યક્રમમાં અરવલ્લી લોકસભાના સાંસદ શોભનાબેન બારૈયા હાજર રહ્યા હતા.

ટ્રેનના સ્વાગત માટે સ્થાનિક નેતાઓ, રેલવે અધિકારીઓ-કર્મચારીઓ અને નાગરિકો હાજર હતા. આ નવી ટ્રેન સેવા ઉત્તર અને દક્ષિણ ગુજરાત વચ્ચે રેલ કનેક્ટિવિટીને ઝડપ આપશે.

આનાથી પ્રવાસન અને ધાર્મિક યાત્રાને પણ પ્રોત્સાહન મળશે. સાંસદ શોભનાબેન બારૈયાએ નવી રેલ સેવા વિશે વાત કરી હતી.

કાર્યક્રમ પછી સાંસદ શોભનાબેન બારૈયા સહિતના લોકોએ પ્રસિદ્ધ શામળાજી મંદિરે દર્શન કર્યા અને ધજા ચડાવી. આ નવા રેલ જોડાણથી શામળાજી યાત્રાધામમાં પ્રવાસન અને યાત્રાળુઓની સુવિધા વધશે તેવી અપેક્ષા છે.